5,486 ka kaso sang leptospirosis sa pungsod na-record sang DOH

Nagdangat na sa 5,486 ang kaso sang leptospirosis sa Pilipinas humalin Enero tubtob Agosto 27, suno sa Department of Health ukon DOH.

Mas manubo ini kumpara sa pareho nga bulan sang nagligad nga tuig, pero ginalauman sang DOH nga posible pa nga magsaka ang kaso sa masunod nga mga semana.

Pinakadamo sang kaso ang na-record sa Cordillera Administrative Region nga may 542 ka kaso, ginasundan ini sang Metro Manila nga may 521 kag Central Luzon nga may 391 ka kaso, as of August 22.

Nagpanugyan naman si DOH Undersecretary Gloria Balboa nga magkadto gilayon sa health center kon may yara sang sintomas, agud makahatag sang husto nga laygay kag bulig ang mga health worker.