59-anyos nga persona, arestado sa kaso nga attempted murder

Sigma, Capiz – Arestado ang isa ka wanted nga persona matapos ginserbihan sang warrant of arrest sa Barangay Oyong, Sigma, Capiz.

Nagapangatubang sa kaso nga attempted murder si Deonito Belonio 59-anyos sang nasambit nga lugar.

Ang nasambit nga warrant of arrest ginpirmahan kag gin-isyu ni Hon. Esperanza Isabel E. Poco-Deslate, Presiding Judge sang RTC Branch 19, Roxas City.

Ginrekomendar naman sang korte ang P120,000 nga piyansa para sa temporaryo nga kahilwayan sang akusado.

Sa karon, nakahunong na sa karsel sang Sigma PNP ang arestado.