ROXAS CITY – Nagguha ang mga empleyado sang Roxas City Hall kag iban pa nga establisyemento sa siyudad kasunod sang pagtay-og sang 6.2 magnitude nga linog nga nabatyagan sa bilog nga probinsiya sang Capiz.
Sa interview sang Bombo Radyo kay Engr. Reynaldo Antioquia sang Philippine Institute of Volcanology and Seismology (PHIVOLCS-Capiz), ginpahayag sini nga napagkit ang 6.2 magnitude nga linog sa San Julian, Eastern Samar.
Bangud diri nabatyagan ang Intensity III sa probinsiya sang Capiz kag kaiping sini nga mga kaprobinsiyahanan.
Mahibaluan nga madamo nga mga establisyemento ang gin-abisuhan ang ila mga empleyado nga temporaryo nga maguha kasunod sang nabatyagan nga linog.
Mangin ang mga staff sang Bombo Radyo kag Star FM Roxas ang naguha man bangud sa kahadlok kasunod sang nabatyagan nga pagtay-og.
