Malipayon nga gin-anunsyar ni Mr. Alphonsus Tesoro, pamunuan sang Provincial Tourism and Cultural Affairs Office (PTCAO) nga nangin madinalag-on kag produktibo ang anum ka adlaw nga pagsaulog sang Capiztahan 2025 sa bug-os nga probinsya sang Capiz.
Sa interview sang Bombo Radyo kay Mr. Alphonsus Tesoro PTCAO (Provincial Tourism Cultural Affairs Officer) ginpahayag sini nga positibo ang mga feedbacks ang ila nabaton gikan sa mga bisita pinaagi sa mga presensiya sang tanan nga mga dumuluong sa probinsya.
Ginpahayag pa sini nga bukas man ang gobyerno-probinsiyal sang Capiz para sa mga ‘areas of improvement’ agud ilabi pa nga mapaayo ang nasambit nga selebrasyon.
Suno diri, ang amo nga selebrasyon isa ka economic growth sa bug-os nga probinsya kag psycho-social healing para sa mga Capizeños pinaagi sa pagtan-aw sang mga cultural events nga ginhiwat online.
Malipayon si Tesoro bangud madinalag-on ang mga inobasyon nga gintinguhaan sang gobyerno-probinsiyal pinaagi sa Provincial Tourism and Cultural Affairs Office kag sa mga kaupdanan sini nga mga kaiping nga departamento.
Ginpakigbahin ni Tesoro nga may yara sang 30 Million Pesos nga gin alokar ang gobyerno probinsyal agud ma akomodar ang tanan nga mga aktibidades kag bisita sang probinsya sa nasambit nga selebrasyon.
Gindayaw man sini ang mga sakripisyo sang tagsa isa nga naghatag sang kontribusyon agud mangin madinalag-on ang amo nga kahiwatan.
Ginapasalamatan sang opisyal ang epektibo kag wala tupong nga pagserbisyo sang mga magkalain lain nga mga natungdan nga otoridad agud mapabilin nga malinong kag matawhay ang selebrasyon sang Capiztahan subong nga tuig.
