ROXAS CITY – Anum ka mga chief’s of police sa mga muncipal police station sa probinsiya sang Capiz ang na-relieved sa pwesto sa kapaslawan nga maka-aresto sang drug personality humalin sang bulan sang Marso tobtob Hunyo sini nga tuig.
Kalakip sa mga na-relieved nga mga hepe sang pulisya ang gikan sa Pilar Municipal Police Station, President Roxas, Maayon, Sigma, Mambusao kag Tapaz.
Suno kay Senior Superintendent Samuel Nacion, provincial director sang Capiz Police Provincial Office (CPPO) ginpatuman ang mandu ba-se sa rekomendasyon sang regional oversight committee sa PRO-6 matapos nagguwa sa ila assestment nga napaslawan ang nasambit nga mga municipal police stations nga ipatuman ang kampanya sang gobyerno batuk sa iligal nga droga.
Nahibaluan nga ipahamtang ang mga narelieved nga opisyal sa CPPO, Provincial Public Safety Company kag i-transfer sa iban nga istasyon sang pulisya.
