-- ADVERTISEMENT --
ROXAS CITY – Patay ang anom ka tuig nga bata matapos malumos sa ginpaliguan nga suba sa Sitio Tubungan, Barangay Hipona, Pontevedra, Capiz.
Ang wala na ginhingadlan nga biktima ang residente sang nasambit man nga lugar.
Base sa imbestigasyon sang Pontevedra Municipal Police Station, nahibaluan nga kaupod nga nagpaligo sang biktima sa suba ang iya magulang nga naga-edad sang 14 anyos.
Ginkatingala sang magulang sang nadula sa iya panan-awan ang manghod kag wala na nakabutwa.
Sa pagpangita, nasapwan ang lawas sang biktima kag gindala pa sa Bailan District Hospital apang gindeklarar nga dead on arrival. (PHOTO FROM WEB)
-- ADVERTISEMENT --
