60 ka mga traffic personnel sang TMU, i-deploy kadungan sang Parade of Giant Parols kag Opening Salvo sang Capiztahan sa Disyembre 16

ROXAS CITY – I-deploy sang Traffic Management Unit sang Roxas City ang 60 ka mga traffic enforcers sa Disyembre 16 kadungan sang Parade of Giant Parols kag Opening Salvo sang Capiztahan.

Sa interview sang Bombo Radyo kay Gonzalo Andrada, head sang Traffic Management Unit, iya ginpahayag nga siraduhan ang dalan sa public plaza umpisa ‘las 4 sa hapon bangud diri maga-umpisa ang parada sang parol sang 16 ka mga banwa kag syudad sang Roxas.

Halin sa public plaza, magalabay ini sa Capiz bridge, Roxas Avenue, kag maliko sa Pueblo de Panay Entrance 1.

Ginpahayag ni Andrada nga sa atubang sang bag-o nga Capiz Provincial Capitol, isirado ang isa ka lane sang dalan samtang bukas naman ang isa kag pagahimuon nga two way.