Naglab-ot sa 64 ka tawo ang napatay sa daku nga anti-crime campaign sang mga pulis sa Rio de Janeiro sa Brazil.
Kalakip sa mga napatay ang apat ka mga pulis matapos nga nagbalos ang pila ka mga suspetsado.
Target sang otoridad nga mapunggan ang paglapta sang kriminalidad sang Comando Vermelho criminal group.
Nahibaluan nga ang Comando Vermelho (CV) amo ang pinakadaan nga kriminal nga organisasyon sa Brazil.
Matandaan nga isa ka tuig antes ginpatigayon ang operasyon nga ginalakipan sang 2,500 ka mga katapo sang militar kag sibilyan nga kapulisan.
Ginhingyo man ni Rio de Janeiro State Governor Cláudio Castro ang mga pumuluyo nga magpabilin sa ila mga puluy-an tubtob nga padayon nga ginapangita sang mga otoridad ang mga lugar nga ginapanaguan sang mga katapo sang gang.
