Lakip sa mga estudyante nga ma-gradwar subong nga Marso ang 77 years old nga lolo sa Solana, Cagayan.
Ang dedikasyon niya sa pagtuon, inspirasyon indi lang para sa kaangay niya nga estudyante, kundi mangin sa mga manunudlo sa sa eskwelahan kag amo man sa mga netizen.
Ma-gradwar si Lolo Mario Resurrection sang Agri-Fishery Arts sa idalom sang Technical Vocational Livelihood Track sa Sampaguita National High School.
Magluwas sa paghatag niya sang inspirasyon sa mga kaangay nga estudyante, napabilib man sa iya ang mga manunudlo sa iya nga gina-eskwelahan.
Suno sa isa ka practice teacher, nakit-an niya nga masami sa library si Lolo Mario kag nagatuon.
Luyag ni Lolo Mario nga makatapos sa pag-eskwela bangud luyag sini nga mangin degree holder bilang agriculture engineer.
