DUMALAG, CAPIZ – Patay ang isa ka senior citizen matapos nalumos sa suba nga sakop sang Sitio Catamnan, Barangay San Jose, Dumalag, Capiz.
Ginkilala ang biktima kay Bernadetto Funan, 78-anyos nga residente sang Barangay Poblacion, sa kapareho nga banwa.
Base sa imbestigasyon sang Dumalag Municipal Police Station, ginapahayag nga may nabaton sila nga report nagikan sa isa ka concern citizen nga may nasapwan nga nagakulob nga persona sa nasambit nga lugar.
Gilayon naman ini nga ginrespondehan sang mga katapo sang Dumalag PNP kag sa pag tsekyar sini, wala na sang kabuhi ang nasambitan nga persona.
Ginpahayag sang mga pumuluyo sa lugar, ginaalegar nga ang amu nga lalaki ang may ginasuprehir nga balatian sa paminsaron.
Angut sini,nagapati naman ang pamilya nga wala sang foul play nga natabo sa nasambit nga insidente.
Sa karon, yara na sa isa ka punerarya sa banwa sang Dumalag ang bangkay sang nasambit nga persona.
