ROXAS CITY – Walo ka mga barangay sa banwa sang Panit-an, Capiz ang apektado na karon sang El Niño phenomenon.
Kalakip sa mga ini ang Barangay Tabuc Norte, Ilawod, Intampilan, Salocon, Cadio, Cabugao, Banggaan kag Calaan.
Bangud diri, daku na ang nangin kapierdihansang mga mangunguma bangud sa epekto sang El Niño phenomenon sa nasambit nga mga barangay.
Problema sang mga mangunguma bangud wala sang malapit nga irigasyon sa ila nga ulumhan, rason nga madamo na nga mga palay ang indi mapuslan.
Ba-se sa record sang Municipal Agriculture’s Office sang banwa sang Panit-an nga nagalab-ot na sa 608.5 ektarya ukon masobra sa P14.5 milyones ang nahalitan nga mga pananum sang mgamangunguma.
Sa karon nagapatigayon sang sinapol ang mga opisyales sang banwa sang Panit-an para mahatagan sang solusyon ang problema sang mga mangunguma.
