Apektado sang red tide ang walo ka baybayon sa pungsod, suno sa Shellfish Bulletin No. 26 nga ginapaguha sang Bureau of Fisheries and Aquatic Resources.
Ginakalakipan ini sang mga baybayon sang Dumanquillas Bay sa Zamboanga del Sur; kadagatan sang Daram Island, Zumarraga Island, kag Irong-Irong Bay sa Western Samar; Carigara Bay sa Leyte Island, Tungawan sa Zamboanga Sibugay Province; Biliran Island sa Biliran Province; kag Lianga Bay sa Surigao del Sur.
Delikado ang pagkaon sang shellfish kag mga alamang nga makuha sa mga nasambit nga kadagatan bangud sa red tide toxin nga paandam sa ikaayong lawas sa publiko.
Kasubong man, ang iban na lamang nga dagat kasubong sang mga isda ang mahimu nga lutuon kag kainon basta nalimpyohan kag naluto sang insakto ang mga ini.
Samtang, nagnegatibo na man sa red tide ang pila ka mga baybayon kasubong sang Maqueda kag Cambatutay Bays sa Samar kag Matarinao Bay sa Eastern Samar.
Ang mga ito ang anay nagpositibo sa red tide suno sa nakaligad nga bulletin sang BFAR.
