ROXAS CITY-Yara na sa 80 posyento sa mga senior citizens ang natigayon nga ma-releasan sang social pension sa bilog nga Western Visayas.
Ini ang ginpahayag ni Ms. May Rago Castillo, Regional Information Officer sang Department of Social Welfare and Development (DSWD) Region 6 sang mainterview sang Bombo Radyo.
Suno kay Rago nga mas madasig subong ang pag-release sang social pension bangud naglab-ot na sa 291,080 ka mga social pensioners ang natigayon nga mareleasan sa bug-os nga Rehiyon Sais.
Ginkompirmar man ni Rago nga may yara sang iban nga mga social pensioners nga nakabaton sang tag-P6,000 samtang may yara man sang iban nga tag-P3,000 ang nabaton.
Suno kay Rago nga may ara sang iban nga wala ma releasan sang social pension sang tinalikdan nga tuig nga ginreleasan sang tingub sang 1st semester subong nga tuig.
Ginpasalig naman sini sa nabilin nga wala pa mareleasan nga mahatag subong nga tuig ang amo nga ayuda
