1 out of 3 ka mga babaye sa bilog nga kalibutan ang ginasakit sang ila mga partner ukon naka-eksperyensya sang sexual violence sandig sa data sang World Health Organization.
Buot silingon, hundreds of millions nga mga babaye ang naga-antos ukon nag-antos gikan sa pagpang-abuso.
Suno kay WHO chief Tedros Adhanom Ghebreyesus, wala sang pungsod ang makasiling nga safe ukon fair ang lugar kun may yara sang mga babaye nga nagakabuhi sa kakulba.
Sa data sang United Nations health agency, 840 million ka mga babaye sa bilog nga kalibutan ang ginaabuso sang ila partner ukon naga-eksperyensya ang sexual violence.
316 million ka mga babaye ang gin-abuso sang nagligad nga tuig.
Buot silingon, 11% sa mga kababainhan nga naga-edad 15 anyos pasaka ang naka-eksperyensya sang physical ukon sexual violence nagikan sa ila partner sang nagligad nga 12 ka bulan.
Ang violence against women ang nagnubo sang 0.2% lamang kada tuig sa sulod sang 20 ka tuig na kag nagapakita ini nga wala sang improvement.
Samtang may yara naman sang 263 million nga mga babaye ang sexually assaulted sang indi nila partner humalin sang sila ang naga-edad 15 anyos.
Madamo pa ang wala naga-report bangud nga nahuya, nakulbaan ukon sa stigma.
Sa pagpondo naman agud mauntat ang pagpanng-abuso , tuman ka gamay lang nga kwarta ang ginagasto sa bilog nga kalibutan agud malikawan ang pagpang-abuso batuk sa mga babaye sa diin yara lang sa 0.2% sang international aid ang nagakadto sa mga programa.
Nagalab-ot sa 12.5 million nga teenage girls naga-edad 15 tubtob 19 anyos ang gin-abuso sang ila partners sang nagligad tuig.
Pila ka mga lugar nga may yara sang madamo nga babaye nga gina-abuso amo ang mga masunod;
*Oceania (Pacific Islands) – 38% nga mga babaye ang nag-antus bangud sa pagpang-abuso sang ila nga partner sang nagligad nga tuig
*Southern Asia: 19%
*Africa: 14–17%
*Latin America & Caribbean: 7%
*Europe & North America: 5%
Sa mga luyag magpangayo sang bulig diri sa Pilipinas, mag-contact sa Inter-Agency Council on Violence Against Women and Their Children Secretariat;
iacvawc@pcw.gov.ph
8735-1654 loc.123, 124
0917-867-1907
0945-455-8121
