ROXAS CITY -Nagapadayon ang pag-alabutan sang mga Overseas Filipino Workers (OFW) repatriates kag mga Locally Stranded Individuals (LSIs) sa probinsiya sang Capiz.
Ini ang ginpahayag ni Mrs. Judy Grace Pelaez, Provincial Disaster Risk Reduction and Management Officer sang mainterview sang Bombo Radyo.
Ginpahayag ni Pelaez nga nagalab-ut sa 849 ka mga Locally Stranded Individuals (LSI) ang nakatigayon na nga makapauli sa probinsiya matapos nga nastranded sa nagkalain-lain nga mga kaprobinsiyahan apang wala pa sang tul-id nga detalye kun pila na dri ang nakatapos ang 14 day quarantine.
Gindugang pa ni Pelaez nga ang may pinakamadamo nga banwa nga ginpapauli nga LSI amo ang banwa sang Tapaz nga may yara sang 134 ka mga nakapauli nga LSi, 113 sa Roxas City, Mambusao-101, Pilar -62, Pontevedra-52, Dao -30, President Roxas – 48, Maayon kag Panay nga may tig 21, Dumalag -28, Dumarao-26 kag Ivisan -17.
Samtang wala pa sang tul-id nga numero ang PDRRMO sa kabug-osan nga mga OFW repatriates nga nagpauli sa probinsiya bangud padayon pa ini nga ginaconsolidate sang talatapan.
