-- ADVERTISEMENT --
Gindayaw ang 9-anyos nga si Leigh Axel Avilla sang mga netizens bangud sa iya nga utok nga daw kaangay sang calculator.
Suno pa sa uploader nga si Marilyn Lanohan II, nagbakasyon sila sa Bantayan Island sang hinali nga ginpalapitan sila ni Leigh kag ginhambalan nga andam siya nga magsabat sa square root sa bisan ano nga numero nga ila ihatag kabaylo sang milk tea.
Dugang pa sa nag-upload, nag-isip lang sa tudlo ang bata kag nakuha na ang sabat.
Suno sa Guinness World Records, si Granth Rakkesh Thakkar sa India amo ang naghawid sang rekord sa pinakamadasig sa pagkalkyulo sa square root sa anom ka digit nga numero kag nakuha ni Thakkar ang rekord sadtong Setyembre 2, 2013.
