Indi magnubo sa siyam ka tawo ang patay kag 13 ka iban pa ang pilason sa shooting incident sa Kahramanmaras province sa southern Turkey.
Base sa imbestigasyon sang mga otoridad nagsulod sa eskwelahan ang suspek nga Grade 8 student bitbit ang mga pusil nga ginapatihan ginapanag-iyahan sang iya amay nga anay pulis.
Gilayon niya nga ginsulod ang duha ka hulot-klasehan kag nagpalupok.
Ginpahayag nga may bitbit sang lima ka pusil kag pito ka magazine ang suspek, nga sang ulihi napatay, apang indi pa matumod kun naghikog ini.
Sa subong padayon ang imbestigasyon sang mga kapulisan sa insidente.
Nagpalab-ot naman sang simpatiya si Turkish President Recep Tayyip Erdogan kag ginpahayag sini nga manabat ang sin-o man nga mapamatud-an nga responsable sa krimen.
