Diri sa aton sa Pilipinas, kalabanan kon suguon kita sang aton nga iloy ukon amay nga magkalot sang ila likod ukon kamot nagakumod pa, kon kaisa gani nagapudag-pudag pa.
Apang didto sa China, isa ka 32-anyos nga lalaki ang nagakita sang ginabulubanta P900,000 kada bulan gikan sa pinasahi nga negosyo, amo ang pagkalot sa lawas sang iya mga kustomer.
Ang lalaki amo si Zhang Xiaoqiao, nagtukod siya sang scratching service chain nga ginatawag nga Suma, nga naga-operate kaangay sang isa ka spa.
Sa baylo sang mga masahe, ang serbisyo nagatanyag sang pagkalot sang lawas bilang isa ka paagi sang pag-relaxs kag isa ka paagi sa pagpasanyog sang mas maayo nga pagtulog.
Ang Suma may duha ka branches, kag ang serbisyo nagabili sang 300 yuan ukon mga P2,800 kada oras.
Para kay Zhang, ang simple nga buhat sang pagkalot nga masami ginahimo agod mapahaganhagan ang pagpangatol sa isa ka bahinsang lawas ang nangin isa ka pinasahi kag mapuslanon nga negosyo.
