Nagpasalamat ang mga persons deprived of liberty (PDLs) sa Capiz Rehabilitation Center (CRC) sa Roxas City bangud sa masustansya nga pagkaon nga ginahatag sa ila.
Ini kasunod sang panawagan ni Capiz 1st District Board Member Dr. Cesar Yap Jr. nga hatagan sang masustansya nga pagkaon, nagakaigo nga medical kag dental nga serbisyo, kag preventive healthcare ang mga PDLs.
Sa interview sang Bombo Radyo Roxas kay Arjuna Yngcong, jail warden sang Capiz Rehabilitation Center, iya ginpahayag nga kabahin sang pagkaon nga ginaserbe sa mga PDLs ang utan nga laswa kag isda.
Suno kay Yngcong, may yara man sang ginaduso nga proposal si Board Member Yap nga himuon sang P65 nga food allowance kada adlaw para sa tagsa ka PDL.
Dugang pa sang natungdan, daku ini nga bulig sa mga PDLs agud masiguro nga may nagakaigo kag masustansya nga pagkaon sa sulod sang pasilidad.
Nahibaluan nga yara sa 380 ka PDLs ang yara sa Capiz Rehabilitation Center sa Roxas City.
