Hugot nga ginapatuman sang Dao Municipal Police Station ang Police Checkpoint Operations agud masiguro ang seguridad kag mapabilin ang kalinong kag katawhay sa banwa sang Dao, Capiz, para sa nagahilapit nga pista minatay.
Sa interview sang Bombo Radyo kay Police Major Rey C. Dordas, iya ginpahayag nga paagi sa amo nga tikang daku ini nga bulig agud matapna ang posible krimeninalidad kag pagmonitor sang sitwasyon sa ila nasakupan.
Suno kay Dordas, ginapatuman ang mga checkpoint suno sa nagakaigo nga polisiya sang Philippine National Police (PNP), kun sa diin ginahimo ang visual inspection samtang ginahatagan sang importansya ang kinamatarong kag dignidad sang tagsa ka motorista, lakip na ang pagpa-athag sang katuyuan sang checkpoint.
Dugang pa sang natungdan, ginasiguro nga ang tanan nga personnel nga ginadeploy sa mga checkpoint nagasunod sa standard procedures sang PNP.
