Nagpahanumdom ang Simbahan Katolika sa importansya sang paalabuton All Saints’ Day kag All Souls Day.
Sa interview sang Bombo Radyo kay Very Rev. Msgr. Rufino Regie Pamposa, Vicar General of the Archdiocese of Capiz, iya ginpahayag ang komemorasyon sang All Saints sa Novembre 1 amo ang paghanduraw sang mga Santos nga na-canonized sang Simbahan bangud ini ang magapangamuyo sa katawhan sa atubang sang Ginoo sa tion nga kita ang magtaliwan man.
Suno kay Pamposa, ang pagsaulog sang All Souls Day sa Nobyembre 2, amo naman ang pagdumdom sang mga nagtaliwan nga mga himata kun sa diin mahimo halaran sang kandila kag pagpangamuyo.
Nagpanawagan man ang natungdan nga maghatag sang tion sa pagpangamuyo para sa mga minatay agud nga ila madumduman kag mapadayon ang pagpakita sang gugma sa ila mga pinalangga nga nagtaliwan.
