Magapangatubang sa kaso nga paglapas nga Republic Act 10591 Comprehensive Firearms and Ammunition Regulation Act kag Republic Act 9516 ang arestado matapos ginserbe ang warrant of arrest sa Barangay Rumbang, Pototan, Iloilo.
Ang arestado amo si alyas Kenneth 43-anyos, residente sang Barangay Bahit, Panitan, Capiz.
Sa interview sang Bombo Radyo kay Police Lieutenant Colonel Syril DC Punzalan, Chief sang Capiz Police Drug Enforcement Unit, iya ginpahayag nga ang warrant permado ni Hon. Sesinio Navales Belen Jr., Presiding Judge sang Regional Trial Court, Branch 15, Roxas City, Capiz, sang Oktubre 13, 2026.
Suno kay Punzalan, nagkoordinar sila sa mga otoridad sang banwa sang Pototan, Iloilo, antes ginkasa ang amo nga operasyon.
Sa subong, yara na sa kustodiya sang Roxas City Police Station Custodial Facility ang arestado para sa nagakaigo nga disposisyon.
