Ginpanindugan ni Akbayan Party-list Rep. Perci Cendaña nga ang pag-withdraw sang House prosecution panel sa tatlo sa apat ka articles of impeachment batok sa iya ang wala nagakahulugan nga safe na si Vice President Sara Duterte sa liability.
Suno kay Cendaña, estratehiya sang prosecution amo ang pagbawi sang tatlo ka articles agud mapadasig ang trial, samtang ang mga alegasyon batok sa bise presidente mahimo pa nga ipadayon sa separado nga legal nga proseso.
Lakip sa ginbawi nga mga articles amo ang ginaalegar misuse of confidential funds, bribery, kag grave threats, samtang ginhatagan man importansya ni Cendaña ang disallowance sang Commission on Audit sa P73.287 million nga confidential expenses sang Office of the Vice President.
Nagpanawagan man si Cendaña nga kuhaon na ang classified status sang confidential funds ni Duterte agud ma-examine sang publiko kag otoridad ang paggamit sang public funds kag mahibaluan kun may yara sang liability sa idalum sang kasuguan.
Samtang, nagapabilin naman nga pending ang Article II nga naga-angot sa gina-alegar wala mapaathag nga manggad sang bise presidente, kag natalana nga magapadayon ang impeachment trial sa Nobyembre 9, sa diin ginalauman nga magapresentar sang ila bahin ang defense team ni Duterte.
