Nag-deploy ang Cuartero Fire Station sang Standby Fireman and First Aid Service Team (F.A.S.T.) sa Poblacion Takas kag Barangay Maindang Public Cemetery subong nga adlaw bilang kabahin sang ila seguridad para sa pagdumdom sa Undas 2026.
Ginpangunahan ni SFO4 Vincent F. Meñez, Acting Municipal Fire Marshal ang assignment sang mga bombero nga handa magresponde sa anuman nga emerhensya kag maghatag sang first aid sa publiko.
Nagpatigayon man ang mga personnel sang firetruck visibility kag roving patrols sa ila lugar agud mapabaskug ang vigilance kag mapasanyog ang ihibalo sang publiko nahanungod sa fire safety.
Kabahin ini sang Oplan Kaluluwa 2026 nga nagatuyo nga masiguro ang kaluwasan sang mga pumuluyo kag gilayon nga pagresponde sa anuman nga insidente sa tion sang Undas.
