Panay Municipal Police Station, hugot nga ginabantayan ang pila ka mga sementeryo sa banwa subong nga tigkalalag

Hugot nga ginabantayan sang Panay Municipal Police Station ang pila ka mga sementeryo sa banwa bilang kabahin sang ila seguridad subong nga Undas 2026.

Sa interview sang Bombo Radyo kay Police Captain Eric Deocampo, Officer-in-Charge sang Panay Municipal Police Station, iya ginpahayag nga wala untat ang pagbantay sang kapulisan agud masiguro ang kaluwasan sang mga tawo nga nagabisita sa ila nagtaliwan nga mga pinalangga.

Katuyuan man sang pagbantay nga malikawan ang anuman nga indi maayo nga insidente kag mapabilin ang katawhay sa mga sementeryo samtang ginadumdum ang Undas.

Ginapanugyanan ang publiko nga magdala sang bastante nga tubig kag payong bangud sa tuman ka init sang panahon agud malikawan ang dehydration kag iban pa nga posible problema sa ikaayong lawas.