Ginpahanumdoman sang International Criminal Court (ICC) ang kampo ni former President Rodrigo Duterte nga kinahanglanon ang iya personal nga pagtambong sa korte kada adlaw sa tion nga mag-umpisa na ang trial sa Nobyembre 30.
Suno kay Trial Chamber III Presiding Judge Joanna Korner, ang korte mahimo maghatag sang temporaryo nga pahanugot para sa akusado nga indi magtambong sa pila ka mga hearing antes ang trial, apang kinahanglanon ang iya physical presence kon ang trial pormal nga magsugod.
Ginhatagan pagtamod ni Korner sa abogado ni Duterte nga si Peter Haynes nga ginalauman ang adlaw-adlaw nga pagtambong sang anay presidente sa bug-os nga trial.
Nakasaad sa Article 63(1) ng Rome Statute nga ang akusado dapat yara sa tion sang trial, luwas kon may isa ka pinasahi nga kaso kon sa diin ang korte nagapahanugot sang isa pa ka arrangement.
Matandaan nga si Duterte ang nagapangatubang sang kaso nga crimes against humanity may kaangtanan sa maduguon nga kampanya batok sa illegal nga druga sa idalum sang iya administrasyon.
