Ginreport sang Iran ang pagkasunog kag paglupok sang apat ka oil tankers sa Strait of Hormuz matapos ginpahayag nga nag-agi sa mga ruta nga indi otorisado sang ila gobyerno.
Suno sa Islamic Revolutionary Guard Corps (IRGC), ang pila sa mga barko ginaalegar nga naigo sang naval mine samtang nagaagi sa ginadumilian nga ruta.
Kalakip sa ginreport nga insidente amo ang isa ka supertanker nga may karga nga masobra duha ka milyon ka bariles sang krudo nga gin-alegar naigo sang naval mine.
Samtang, ginkumpirmar naman sang Maritime Security Center sang Oman ang pagluwas sa 25 ka mga crew sa nagakasunog nga commercial vessel.
Nakabaton man sang separado nga report ang United Kingdom Maritime Trade Operations ukon UKMTO angut sa mga barko nga naigo sang wala matumod nga mga projectile sa dagat.
