Nangin featured participant ang isa ka pony sa Zhenlong Primary School’s Sports Day sa Anhui, China pagkatapos nga nalampasan sini ang mga estudyante sa isa ka palumba sang Oktubre 22.
Suno kay Zhang Yilong, isa ka manunudlo sa eskwelahan, nagpasakop sa nasambit nga paindis-indis ang mga estudyante gikan sa Primary 1 kag Primary 2.
Ang pony isa sa duha ka Shetland pony nga ginatago sa petting zoo sang eskwelahan nga ginahingalanan kay Qiyue kag 520.
Ang Qiyue amo ang iloy nga pony nga ang ngalan nagakahulugan sang Hulyo, samtang ang 520 ginhingadlan suno sa iya petsa sang pagkatawo nga Mayo 20.
Suno kay Zhang, ang duha ka mga pony ang malulo kag regular nga ginapaguwa agud makig-angot sa mga estudyante kag hatagan sila sang kahigayunan nga makakilala kag makatuon parte sa mga sapat.
