Tudo preparasyon na ang National Capital Region Police Office (NCRPO) para sa ika-49 nga ASEAN Summit and Related Summits nga pagahiwaton sa Metro Manila humalin Nobyembre 16 tubtob 18.
Suno kay NCRPO Officer-in-Charge P/BGen. Christopher Abrahano, regular ang ila pagsinapol agud masiguro ang nagakaigo nga koordinasyon bilang preparasyon sa summit.
Ini ang sandig man sa mandu ni PNP Chief PGen. Jose Melencio Nartatez Jr agud labi nga pabaskugon ang mga tikang sa seguridad.
Ginatun-an man ang pagdugang sang mga kapulisan gikan sa iban nga rehiyon agud masiguro ang kaluwasan sang mga lider sang mga pungsod nga magatambong.
Pabaskugon man ang police visibility kag monitoring sa mga mayor nga ruta, summit venues, hotels, airports kag transportation hubs, lakip na ang kahandaan sa posible lightning rally sang pila ka mga grupo.
