-- ADVERTISEMENT --
Isa ka lalaki sa Mexico ang nakibot matapos mahibaluan nga ang family gathering nga ginpatawag sang iya nobya amo ang ila kasal.
Suno sa istorya, gin-agda sang nobya si Hector sa isa ka pagtililipon sang pamilya nga wala gin-anunsyo ang matuod nga okasyon.
Nagkadto siya sa lugar nga nagasuksok lamang sang polo shirt kag maong, apang ginsugata siya sang kapin sa 150 ka bisita kag isa ka altar.
Didto niya natukiban nga ang iya nobya nagasuksok na sang bayo sa kasal kag nagahulat sa iya nga mag-abot para sa seremonya.
Sa baylo nga mag-atras, ginpadayon ni Hector ang kasal kag ginpakaslan ang iya nobya bisan pa nga wala siya sang ginhanda nga bayo para sa pinasahi nga adlaw.
