Numero sang mga unemployed sa Pilipinas, naglab-ot na sa 2.86 million — PSA

Nasaksihan sa bulan sang Setyembre ang gamay nga pagsaka sa numero sang mga wala sang trabaho sa pungsod suno sa Philippine Statistics Authority.

Suno sa rekord, ginreport nga ang unemployment rate naglab-ot sa 5.4% sang Setyembre nga katumbas sa 2.86 milion sang populasyon.

Mas mataas ini sang gamay sa 5.3% nga na-record sang Agosto kun sa diin katumbas ini sa 2.77 million nga unemployed Filipinos.

Samtang, nagnubo naman ang underemployment rate sa nasambit nga bulan kun sa diin nagnubo ini sang gamay sa 11% nga katumbas sa 5.56 mlion ka Pilipino gikan sa 11.9% nga na-record sang Agosto.