Pormal na na nagsumpsa si Associate Justice Rodil V Zalameda bilang ika-28 nga Chief Justice sang Korte Suprema sa isa ka oath-taking ceremony nga ginhiwat sa Supreme Court En Banc session hall sini nga Biyernes sang hapon, Nobyembre 6, 2026.
Ginpangunahan ni Senior Associate Justice Marvic Leonen ang pagsumpa ni Zalameda matapos ini ang opisyal nga gin-appoint ni President Ferdinand Marcos Jr sa pinakamataas nga posisyon sa judiciary sang pungsod.
Pagabuslan sang bag-o nga pinuno sang Korte Suprema si anay Chief Justice Alexander Gesmundo nga pormal nga nagretiro subong nga adlaw matapos ang iya dedikado nga panahon sang serbisyo sa korte suprema.
Antes ang iya panibag-o nga papel, una nga nagsulod sa Korte Suprema si Zalameda bilang Associate Justice sadtong Agosto 6, 2019 matapos gin-appoint ni anay President Rodrigo Duterte.
Nag-alagad man siya bilang Associate Justice sang Court of Appeals sa sulod sang 11 ka tuig sa diin siya ang chairman sang 17th Division sini, dugang pa sa iya eksperyensya bilang Branch Clerk of Court sa Regional Trial Court sang Makati.
Ang iya malawig nga karera sa public prosecution nagsugod sang 1995 tubtob nga gin-appoint siya nga City Prosecutor sang Mandaluyong sang 2002, pagkatapos sang lima ka tuig nga private practice nga abogasiya halin 1990 tubtob 1995.
Bangod nakatapos sang Bachelor of Laws sa Ateneo de Manila University sang 1987 kag nakapasar sa Bar Examinations sang 1988, ginalauman nga pangunahan ni Zalameda ang hudikatura nga may mabakod nga integridad kag dedikasyon sa hustisya.
