Gintawag ni Private Prosecutor Atty. Lorna kapunan si Vice President Sara Duterte nga “real bully” sa tunga sang nagapadayon nga impeachment proceedings.
Suno kay Kapunan, indi ang lead defense counsel nga si Atty Sheila Sison ang bully bangud naga-akto lamang ini bilang abogado sang bise presidente.
Ginpanindugan ni Kapunan nga si Duterte ang matuod-tuod nga bully bangud sa gina-alegar nga pagpang-atake sini sa nagkalain-lain nga institusyon, lakip na ang Kamara, judiciary, Senado kag ang proseso sang impeachment.
Ginkwestyon man ni Kapunan ang indi paglakip kay Duterte sa witness list sang defense panel sa impeachment trial.
Dugang pa ni Kapunan, kun magpanindugan ang kampo ni Duterte nga wala ini sang nahibaluan sa manggad nga ginplastar sang presecution sa impeachment court, makabig ini nga kakulang sang ihibalo sa kaugalingon nga pagkabutang.
