Nagalaum ang isa ka constitutional law expert nga makapresentar sang mabakod nga ebidensya ang defense counsel ni Vice President Sara Duterte may kaangtanan sa Article II sang impeachment complaint nga naga-angot sa gina-alegar unexplained wealth.
Sa interview sang Bombo Radyo kay Atty. Ephraim Cortez, President sang National Union of Peoples’ Lawyers (NUPL), iya ginpahayag nga kinahanglan nga magpresentar sang mga ebidensya ang depensa agud suportahan ang ila bahin, sa pihak sang pag-withdraw sang ila una nga witness nga si Dean Ralph Sarmiento.
Suno kay Cortez, dako nga pagpanghangkat sa depensa ang amo nga sitwasyon, ilabi na nga nakahimo na sang mabskog nga narrative ang prosekusyon kag nagpresentar sang ebidensya batuk sa bise presidente.
Pahayag pa sini, importante para sa defenswe team nga magpreparar sang konkreto nga mga dokumento kag testimonya nga makasabat sa mga alegasyon.
Magluwas diri, ginalauman man sang natungdan kun paano pun-an sang depensa ang absence sang first witness kag kun sin-o ang ila masunod nga ipresentar agud suportahan ang ila nga bahin sa pagpadayon sang impeachment trial.
