Ginhatagan pagtamod sang House Prosecutor kag Rep. Terry Ridon ang importansya sang mga testigo nga igapresentar sang defense team ni Vice President Sara Duterte sa nagapadayon nga impeachment trial.
Suno kay Ridon, indi bastante nga magpresentar lang sang testigo ang depensa kundi dapat may ikasarang ang mga ini sa pagsabat kag pagkontra sa mga alegasyon kag ebidensya nga ginapresentar sang prosecution panel.
Ginapahayag nga importante nga ipaathag sang mga testigo ang tagsa ka alegasyon, subong man ang mga dokumento, testimonya kag iban pa nga ebidensya nga ginabaton sang Senate Impeachment Court agud nga mahatagan sang sabat ang mga isyu nga ginapangatubang sang Bise Presidente.
Dugang pa ni Ridon, ang kinahanglan sang depensa amo ang mga testigo nga makapaathag sang mga alegasyon kag indi mga testigo nga mangin kahinaan lamang sang ila kaugalingon nga bahin sa impeachment proceedings.
