-- ADVERTISEMENT --
Pagatutukan sang bag-o nga Municipal Administrator sang Pontevedra, Capiz nga si Emmanuel M. Oquendo ang problema sa trapiko sa banwa.
Sa interview sang Bombo Radyo kay Oquendo, iya ginpahayag nga gina-ihibalo nila ang mga lugar nga masami nagapugok ang mga salakyan kag masami traffic agud mahibaluan ang nagakaigo nga mga tikang para masolusyunan ini.
Suno kay Oquendo, magakoordinar sila sa kapulisan sang banwa agud mabuligan sa pagdumala sang trapiko kag masiguro ang kaluwasan sang mga motorista.
Dugang pa sini, pagatutukan man sang ila talatapan ang pagpatuman sang husto nga mga lugar nga pagaparkingan sang mga salakyan agud malikawan ang posible nga mga aksidente sa dalanon.
