Bigtime rollback sa presyo sang gatong, daku nga bulig sa mga tricycle driver sa Roxas City

Nakaginhawa ang pila ka tricycle driver sa Roxas City bangud sa pagnubo sang presyo sang gatong nga naglab-ot sa P16.80 kada litro.

Sa interview sang Bombo Radyo kay Sonny Garrate, isa ka tricycle driver, iya ginpahayag nga daku nga bulig sa iya adlaw-adlaw nga pangabuhian ang pagnubo sang presyo sang gatong bangud mas makadugang ini sa iya nga ginansya.

Suno kay Garrate, paagi sa mas barato nga gatong, makatipid ini sa iya adlaw-adlaw nga galastuhon kag may makabulig sa iya kita para sa kinahanglanon sang iya pamilya.

Ginalauman man sini nga magapadayon ang pagnubo sang presyo sang gatong agud mas makabulig pa sa ila nga mga driver nga nagasalig sa adlaw-adlaw nga pasada.