Natalana nga magbiyahe si Gilas Pilipinas padulong sa Malaysia sa Nobyembre 21 para sa fifth window sang FIBA world Cup Asian Qualifiers.
Ang temprano nga paghalin amo ang paghatag kay coach Tim Cone kag sa national team sang tubtob lima ka adlaw agud ma-master ang palibot sang Seremban City subong man ang korte sa Karisma Arena.
Ginalauman man nga magapatigayon sang mini-camp si Cone sa Malaysia agud mapasanyog ang standings sang Gilas kag tugutan sila nga makasulod sa World Cup sa Doha, Qatar sa masunod nga tuig.
Sa subong may apat ka daog kag apat ka kapierdihan ang Gilas kag naga-isahanon sa ikalima nga pwesto sa Group E nga ginapangunahan sang Australia, ginasundan sang New Zealand, Iran kag Jordan.
Una nga maga-atubang ang Gilas sa Syria sa Nobyembre 27 kag pagasundan sang rematch sa Iran sa Nobyembre 29.
