Isa ka 67-anyos nga lola sa Colombia ang nagmanggaranon sa iya tumalagsahon nga palangabuhian, kag ini ang pagbaligya sang tsismis!
Ginkilala bilang “professional tsismosa” si Myriam, nga nagpahayag nga madamo ini sang nahibaluan nga niya ang mga problema kag sekreto sang mga tawo sa iya palibot.
Suno kay Myriam, kada adlaw nagapungko siya sa guwa sang ila balay kag gina-record ang mga istorya nga iya mabatian nahanungod sa iya mga kasilingan kag nagkalain-lain nga nagakatabo sa ila komunidad.
Ginasukot niya kuno ang mga tawo nga interesado nga makahibalo sang iya nahibaluan.
Ari pagid kada kantidad nagadepende sa sahi kag pagkasensitibo sang impormasyon, halin sa 5,000 tubtob 10,000 ka pesos sang Colombia para sa isa ka kinaandan nga tsimiss.
May tion man nga gin-alegar nakabaton ini sang tubtob 700,000 ka Colombian pesos kabaylo sang pagtago sang isa ka sensitibo nga sekreto.
Ginpahayag man sini nga nangin madinalag-on ang iya ginahimo tubtub nga nakabakal siya sang duha ka propedad.
Apang, wala pa sang independent verification sang iya mga pahayag, lakip na kon bala nakatipon gid man siya sang kwarta agud mabakal ang duha ka balay paagi sa pagbaligya sang mga tsismiss.
