-- ADVERTISEMENT --

Desidido ang Southern Police District (SPD) nga magpasaka sang panumbungon batok sa masobra 200 ka mga indibidwal nga nadakpan bangud sa ginapahayag pagpatigayon sang ilegal nga protesta sa Sucat People’s Park sa Muntinlupa City, kadungan sang pagsugod sang 49th ASEAN Summit.

Suno kay SPD Director Police Brigadier General Rodel Pastor, tatlo ka trak sang Philippine National Police (PNP) ang nagdala sa mga nadakpan nga kadam-an myembro sang mga grupo halin sa Southern Tagalog.

Ginpahayag ni Pastor nga nagluntad ang kinagamo matapos ginpahayag wala nagkooperar ang mga raliyista sa kapulisan kag nagtulod pa kag nag-inaway samtang ginapatigayon ang ila programa sa dalan.

Gin-athag ni Pastor nga ginatuman lamang sang kapulisan ang ila katungdanan sa pagmentinar sang katawhay kag seguridad, samtang ang pila sa mga raliyista ang gindala sa ospital matapos nalipong bangud sa komosyon nga nagluntad.

Ang mga nadakpan temporaryo nga gindala sa National Capital Region Police Office headquarters sa Camp Bagong Diwa sa Taguig City, kasunod sang ila protesta batok sa implementasyon sang Pax Silica Initiative kag Luzon Economic Corridor, subong man ang pagbisita ni US President Donald Trump para sa 49th ASEAN Summit.

-- ADVERTISEMENT --