-- ADVERTISEMENT --

Nagapati si Department of Trade and Industry Secretary Ma Cristina Roque nga daku ang mabulig sang bag-o nga kasugtanan sang ASEAN angut sa ‘digital economy’.

Sang ginpatuman ang DEFA ukon Digital Economy Framework Agreement, ginkabig ini sang tiglikom nga ‘Big Win’ ilabi na sa mga MSME’s ukon Micro, Small and Medium Enterprises.

Ginsiling sini nga paagi sa ‘digital space’, mangin mahapos para sa ila ang pag-communicate kag pagbaligya sang ila mga produkto sa rehiyon.

Suno sa tiglikom, mas barato man ini sang sa pagtukod sang physical stores para sa magagmay nga negosyo sang mga Pilipino.

Magluwas sa pagbaligya sang produkto, magabukas ini sang potensyal kag mga oportunidad para sa iban nga mga industriya.

-- ADVERTISEMENT --

Ginpakigbahin man ni Roque nga ang nasambit nga kasugtanan, nga nagagamit sang ‘digital space’ magaserbe nga instrumento sa pagpasangkad sang edukasyon bisan para sa mga yara sa malayo nga mga lugar.

Posible suno sa iya nga makatuon ukon maka-angkon sang edukasyon gikan sa nagkalain-lain nga katapo nga pungsod sang ASEAN pinaagi sa ‘digital space’.