-- ADVERTISEMENT --

PONTEVEDRA, CAPIZ – Ginalauman nga daku nga bulig ang bag-o nga generator nga gindonar nga nabaton sang Pontevedra Municipal Police Station Ginalauman nga daku nga bulig ang bag-o nga generator nga gindonar nga nabaton sang Pontevedra Municipal Police Station.

Sa interview sang Bombo Radyo kay Police Captain Maria Fe T Umiten, Officer-in-Charge sang Pontevedra MPS, iya ginpahayag nga daku ang mabulig sang generator sa pagpasiguro nga indi mag-untat ang ila serbisyo sa publiko kon may pagkadula sang suplay sang kuryente.

Suno kay Umiten, importante ang may alternatibo nga source sang kuryente agud mapadayon ang komunikasyon, monitoring activities, pag-charge sang mga communication equipment pareho sang mga radyo, paggamit sang internet kag computer para sa dokumentasyon, kag pag-submit sang mga kinahanglanon nga reports sa ila higher headquarters.

Pahayag pa niya, may mga tion nga ang brownout nagatuga sang kabudlayan sa ila adlaw-adlaw nga operasyon, ilabi na sa pagproseso sang mga dokumento kag pag-coordinate sang mga personnel sa tion sang emerhensya, kalamidad kag police operations.

Dugang pa sang natungdan, ang pinakadako nga mabulig sang generator amo ang pagpasiguro sang continuity of operations agud makapadayon ang kapulisan sa pagresponde sa mga kinahanglanon sang komunidad bisan wala sang regular nga suplay sang kuryente.

-- ADVERTISEMENT --

Sa karon, ginpahayag sang Pontevedra MPS ang ila sinsero nga pagpasalamat sa kag sa ila mga partners kag stakeholders sa padayon nga pagsuporta sa kapulisan, nga nagabulig sa pagpalig-on sang ila kapasidad sa pagserbisyo kag pagprotektar sa mga pumuluyo sang Pontevedra, Capiz.