-- ADVERTISEMENT --

Gintugyanan sang Jetmatic pump ang mga pumuluyo sa Sitio Cablatan, Barangay Cagay, Roxas City agud mapahapos ang ila pagkuha sang tubig para sa adlaw-adlaw nga kinahanglanon.


Sa interview sang Bombo Radyo kay Barangay Kagawad Isidro Aragon sang Barangay Cagay, ginpahayag sini nga daku nga bulig sa mga residente ang paghatag sang nasambit nga water pump bangud makabulig ini sa pagpasanyog sang ila access sa suplay sang tubig.


Suno kay Aragon, paagi sa sini nga kagamitan mangin mas mahapos na para sa mga residente ang pagkuha sang tubig, nga isa sa importante nga kinahanglanon sa tagsa ka panimalay ilabi na sa posible kakulang sang supply sang tubig sa tion sang El Niño.

Dugang pa sang natungdan, ginakilala ang amo nga inisyatibo bilang isa ka bulig sa pagpaayo sang kahimtangan kag adlaw-adlaw nga panginahanglan sang mga pumuluyo sa komunidad.