Ginkalipay sang Makabayan bloc ang pag-isyu sang talatapan sang Muntinlupa City Prosecutor’s Office sang release order para sa 236 ka mga indibidwal nga nadakpan sa protesta nga ginhiwat kadungan sang 49th ASEAN Summit sang Nobyembre 15.
Sa interview sang Bombo Radyo kay France Castro, former ACT Teachers Partylist Representative, iya ginpahayag nga ginkalipay nila ang desisyon bangud ginaalegar nga wala sang bastante nga basehan agud padayunon ang pag-detain sa mga raliyista.
Suno kay Castro, daw kaangay nga gindakop lang sila agud pahipuson sa pihak sang ila kinamatarong nga magpahayag sang ila opinyon kag magpatigayon sang hublag protesta.
Madumduman nga 236 ka mga delegado sang Lakbayan ng Timog Katagalugan ang nadakpan sa Barangay Sucat, Muntinlupa City samtang padulong sa Manila agud magpartisipar sa protesta batok sa pagbisita ni US President Donald Trump kag sa plano nga Pax Silica initiative.
Samtang, ginmando naman sang prosecutor’s office ang ila paghilway samtang padayon ang dugang nga imbestigasyon sa pila ka mga reklamo nga ginpasaka batuk sa ila.











