-- ADVERTISEMENT --

Desidido ang Gilas Pilipinas nga makakuha sang pwesto sa 2027 FIBA ​​World Cup paagi sa nabilin sini nga apat ka hampang sa FIBA ​Basketball World Cup Qualifiers, nga pagahiwaton sa Qatar.

Sa subong, ang Pilipinas ang yara sa ikalima nga pwesto sa Group E nga may 12 points kag 4-4 ​​nga win-loss record.

Suno kay head coach Tim Cone, kinahanglan nga magdaug ang team sa tatlo sa nabilin nga apat ka hampang agud may mabaskog nga tsansa nga maka-qualify sa World Cup.

Natalana nga atubangon sang Gilas ang Syria sa Nobyembre 27 kag ang Iran sa Nobyembre 29 sa Malaysia. Ini ang pagasundan sang hampang batuk sa Jordan sa Pebrero 26 kag Syria sa Marso 1 sa Cebu.

Natalana nga magasugod ang training camp sang team sa Kuala Lumpur sa Nobyembre 21 bilang preparasyon sa palaabuton nga hampang.

-- ADVERTISEMENT --