-- ADVERTISEMENT --

Nangin malinong kag matawhay ang seguridad sa 49th ASEAN Summit and Related Summits nga ginhiwat sang nagligad nga Nobyembre 15 tubtob 18 sa Metro Manila, sa bulig sang halos 20,000 ka mga personnel sang Philippine National Police (PNP).

Sa pagpanguna ni PNP Chief Police General Jose Melencio Nartatez Jr., nagkoordinar ang PNP sa Armed Forces of the Philippines, Presidential Security Command, ahensya sang gobyerno kag lokal nga panguluhan para masiguro ang kaluwasan sang mga delegado kag publiko.

Apisar sang pila ka mga insidente sa mga protesta, ang mga pulis ang mga pulis nagpakita sang pinakamataas maximum tolerance kag gintahod ang kinamatarong sang mga tawo sa malinong nga pagtililipon kag pagpahayag.

Sa pihak nga bahin, nagpasalamat naman si Nartatez sa kapulisan, partner agencies kag sa publiko sa ila pag-isa kag sakripisyo agud mapasiguro ang nagakaigo nga seguridad sa pagtililipon.