-- ADVERTISEMENT --

Narescue na ang duha ka anay household staff ni Vice President Sara Duterte matapos ginpahayag ginpahog ang ila kabuhi kag ginpilit nga magpirma sang mga affidavit nga ginaalegar may yara sang sala nga alegasyon batuk sa Bise Presidente.

Suno kay Vice Presidential Spokesperson Atty. Salvador Paolo Panelo Jr., ang duha ang gin-alegar gin-hire sang nagligad nga Oktubre agud magtrabaho sa isa ka resort sa Boracay apang gindala sa Manila sa pretext nga magpaidalum sa training.

Sang Nobyembre 16, ginpahayag sang ila amo nga may yara sang pamahog sa ila kabuhi kag madula lamang ini kun pirmahan nila ang mga affidavit.

Nagpamalibad ang duha tungod sa sala nga alegasyon batok kay Duterte.

Ang isa sa ila nagpangayo sang bulig sa Bise Presidente kag pagkasunod nga adlaw ginkuha sila sang legal team ni Duterte, sa kooperasyon sang kapulisan, kag gindala sa estasyon sa diin naghimo sila sang affidavit kag nagpa-blotter.

-- ADVERTISEMENT --

Gin-athag ni Panelo nga wala sila aktwal nga na-detain kundi nahadlok sila nga maghalin bangud sa pamahog. Suno sa iya, nauntat na ang ginapahayag plano nga gamiton ang duha sa paghatag sang testimonya batuk sa Bise Presidente.