-- ADVERTISEMENT --

Padayon ang kampanya sang Police Regional Office 6 “PRO6”, sa pag-account sang mga armas nga expired na ang registration painaagi sa Project Tracking, Accounting and Lawful Administration “TALA”, nga nagakahulugan sang tanan nga armas kinahanglan nga may rekord.

Sa interview sang Bombo Radyo kay Police Major Lailyn Sencil, spokesperson sang PRO6, iya ginpahayag nga ginapatigayon sang kapulisan ang house visitation sa mga rehistrado nga gun owners agud mahibaluan ang status sang ila mga armas kag kon na-renew na bala ukon expired na ang registration sini.

Suno kay Sencil pinaagi man sa Accounting and Disposition of Firearms with Expired Registration “ADFER”, nga nagasigurado sa pag kampanya bilang kabahin sang region-wide Oplan Katok program sang Philippine National Police “PNP”.

Pahayag pa niya base sa ila monitoring naglab-ot man sa 28 ka armas nga expired ang registration ang boluntaryo nga gindeposito sa mga police station samtang ginahulat ang pagproseso sang renewal.

Sa karon, ginapahanumdom sang PRO6 ang mga gun owners nga siguruhon nga balido kag updated ang rehistro sang ila mga armas kag magsunod sa nagakaigo nga proseso agud malikawan ang posible nga paglapas sa layi.

-- ADVERTISEMENT --