-- ADVERTISEMENT --

Ginalauman sang Pontevedra Municipal Police Station nga daku ang mabulig sa ila operasyon ang bag-o nga generator nga ila nabaton bilang donasyon.

Sa interview sang Bombo Radyo kay Police Captain Maria Fe T. Umiten, Officer-in-Charge sang Pontevedra MPS, iya ginpahayag nga daku ang mabulig sang generator agud mapadayon ang ila serbisyo sa publiko apisar sang power interruption.

Suno kay Umiten, paagi sa generator, mapadayon nila ang komunikasyon, monitoring activities kag paggamit sang mga kagamitan pareho sang radyo, computer kag internet, lakip na ang pagproseso sang mga dokumento.

Nagpasalamat man ang Pontevedra MPS sa mga nagdonar kag sa ila mga partners kag stakeholders sa padayon nga pagsuporta sa kapulisan agud mapalig-on ang ila serbisyo kag pagprotektar sa mga pumuluyo.