Ginaduso ni Capiz 1st District Board Member Dr. Cesar S. Yap Jr., ang pagpatuman sang solar-powered seawater desalination facilities sa idalom sang resolution nga Capiz Blue Water Initiative agud masiguro ang suplay sang ilimnon nga tubig sa probinsya, ilabi na sa tion sang El Niño.
Sa interview sang Bombo Radyo kay Yap, iya ginpahayag nga paagi sa seawater desalination, ang tubig halin sa dagat mahimu nga mangin fresh water nga pwede ma-inum paagi sa husto nga proseso.
Suno kay Yap, importante ang amo nga proyekto agud makahatag sang dugang nga suplay sang tubig sa mga lugar nga posible maapektuhan sang kakulang sang tubig bangud sang mainit nga panahon.
Dugang pa sang natungdan, prayoridad nga mahatagan sang bastante nga fresh water ang mga health facilities, eskwelahan, evacuation centers kag mga bulnerable nga coastal communities.











